Urriak 30-Azaroak 1, pilota hitzorduak

Urnieta. Ost,30. 20:15:

Eskuz binaka, Kadeteak 3.maila

Urnieta-Zarautz 2

Eskuz binaka, Kadeteak 2.maila

Urnieta 2-Behar Zana 1

Pala motza, Seniorrak

Oiangu 1-Urnieta 2

Ordizia. Ost,30. 21:00.

Altzatarra-Urnieta 1

Altza. Lar,31. 11:00

Eskuz binaka, Afizionatuak

Urnieta- Eibar

Urnieta. Lar,31. 11:15

Eskuz banaka, Infantilak

Intza 3- Intza 6

Urnieta 1- Urnieta 4

Hernani 2- Oiarpe 1

Intza 1- Intza 4

Urnieta 2- Urnieta 3

Alde Zaharra 2- Hernani 1

Urnieta. Lar,31. 16:00

Gomazko Paleta, Seniorrak

Arriola- Sare Esnal - Ezenarro-Arrizabalaga

Intxaurrondo. Lar,31. 16:00

Arrondo-Arantxa Goenaga - Pagola- A.Urkizu

Altza. Lar,31. 16:00

Eskuz binaka, Jubenilak

Zarautz 2- Urnieta

Zarautz. Lar,31. 16:30

Eskuz banaka, Alebinak

Intxurre 1 (Alegia)- Urnieta

Villabona. Lar,31. 17:00

Pilota emaitzak, urriak 23-25

GIRIZIA 40-12 URNIETA2

URNIETA2 26-40 USURBIL

JUAN CARLOS ERASUN-IÑAKI UNZALU. PALA MOTZA. SENIORRAK.

Jardunaldi bikoitza jokatu behar izan du pala motzean dabilen Urnieta 2 taldeak. Bi norgehiagokak galdu dituzte. Usurbilen aurkako neurketan, partidaren zatirik handienean markagailuan oreka mantendu zen. Baina aurkarien lana tarteko, atzelariaren segurtasuna eta aurrelariaren kolpeak giltzarriak izan ziren.

ARANTXA GOENAGA-ARRONDO 26-30 GARMENDIA-AIZPURUA

EMAKUMEA PILOTARI. SENIORRAK.

Lezon jokatu zen norgehiagokan Goenagak ez zuen zorterik izan. Partida gogorra izan zen, edonork irabaz zezakeen.

ANTIGUAKO 10-22 URNIETA

CAMILO RUIZ-SERGIO ODRIOZOLA. KADETEAK, 3.MAILA.

Tarte handiz irabazi zieten urnietarrek Antiguakoei.

ILUNPE 22-19 URNIETA2

JULEN LOITEGI-ARITZ LIZASO. KADETEAK

Partida ezin hobea jokatu ostean, azkenean hiru tantogatik galdu zuten norgehiagoka Loitegik eta Lizasok. Ilunpeko atzelarien erasoaldien aurrean, ederki erantzun zion Aritzek. 13.tantora ailegatu arte, markagailuan ez zen bi taldeen artean alderik nabari. Azpeitiarrak aurreratu ziren gero, 18. tantoraino. Urnietarrek beste hainbeste egin zuten. Azken txanpan, edonork irabaz zezakeen, Ilunpekoak nagusi azkenean. Loitegi eta Lizaso goiko irudian.

URNIETA 22-13 ALDE ZAHARRA

AHETZE ETXEBERRIA-UNAI AROZENA. JUBENILAK.

Nagusitasun osoz gailendu ziren urnietarrak Alde Zaharrekoen parean. Azpimarratzekoa Etxeberriak buruturiko lana, pilotakada eder eta erremate bikainekin. Kontuan izatekoa baita, Arozenak atzelari donostiarren erasoaldiei emandako erantzuna. Garaipen honi esker, sailkapen buruan kokatu dira. Bi jardunaldi eta Gipuzkoako Txapelketako finalerdietara igarotzeko txartela dute jokoan, Zarautz 2 eta Eple taldeekin batera. Emozioa beraz azken uneraino.

URNIETA 15-22 AURRERA SAIAZ

JON PAGOLA-MIKEL GARMENDIA. AFIZIONATUAK.

Tolosako Beotibarren jokatutako norgehiagoka modu argian galtzen hasi ziren, nahiz azkenerako 15 tanto egitea lortu, aurrelari bikain eta seguru ageri zen atzelariari esker. Partida amaieran ordea, Bidegoiangoak garaile.

GARIN ETA OIARBIDE, FINAL LAURDENETARA

Jardunaldi guztiak irabazi ostean, Gipuzkoako Txapelketako final laurdenetarako sailkatu dira Unai Garin eta Ander Oiarbide pilotariak. Lehen postua eskuratzeko aukera izango dute jokoan. Bestalde, asteburu honetan azken urteko errendimenduko alebinen Gipuzkoako Txapelketa hasiko da. Urnietar bakarrak parte hartuko du bertan; Gorka Oiarbidek. Aurrerago hasiko dira jokatzen benjaminak eta alebinak eskuz binaka.              

                                                                                             

                                        

Urriak 23-25, hurrengo pilota hitzorduak

Pala motza, Seniorrak

Girizia- Urnieta 2

Oiartzun. Ast,21. 21:15

Eskuz binaka, Kadeteak 3.maila

Antiguako- Urnieta

Ibaeta. Ost,23. 17:15.

Eskuz binaka, Afizionatuak

Aurrera Saiaz- Urnieta

Tolosa. Ost,23. 20:30

 

Eskuz binaka, Kadeteak 2.maila

Urnieta 1- Behar Zana 2 (Villabona)

Urnieta.Ost,23. 20:15

Ilunpe- Urnieta 2

Azpeitia. Lar,24. 10:00 

Urnieta. Lar,24. 10:30

Eskuz binaka, Jubenilak

Urnieta-Alde Zaharra

Pala motza, Seniorrak

Urnieta 2-Usurbil

Gomazko paleta, Seniorrak

Arrondo- Arantxa Goenaga - Garmendia- Aizpurua

Lezo. Lar,24. 16:00

Pilota emaitzak, urriak 16-18

PALA MOTZA

Herriko pala jokalarien bi neurketa jokatu ziren igaro den larunbat goizean. Zaleturik ez zen falta izan udal pilotalekuan. Kirolariak pozik ari dira lanean eta nabari da. Iñaki Gorosabel, Borja Fernandez eta Antton Jauregik osatutako hirukoa sailkapen buruan da eta Gipuzkoako Txapelketako finalerdietarako sailkatu da jada, partida guztiak irabazi ostean. Hona hemen aipatu bi neurketetako emaitzak:

URNIETA1 40-10 REAL SOCIEDAD

IÑAKI GOROSABEL-ANTTON JAUREGI. PALA MOTZA. SENIORRAK.

Garaipen argi eta garbia urnietarrentzat. Partida osoan zehar, Gorosabelek eta Jauregik mendean izan zituzten donostiarrak.

URNIETA2 28-40 OIANGU1

XABIER AMANTEGI-IÑAKI UNZALU. PALA MOTZA. SENIORRAK.

Ordiziakoek dirudiena baino gehiago jokatzen dute eta urnietarren aurkako neurketan nabari zen. 21. tantoa egin arte, berdinketak markagailuan behin eta berriz errepikatu ziren. Hortik aurrera, ordiziarrak nagusitu ziren.

ARANTXA GOENAGA-ARRONDO 30-20 BAÑALES-URBIETA

EMAKUMEA PILOTARI TXAPELKETA. SENIORRAK.

Villabonako frontoitik pozik irten zen Goenaga. Arrondorekin batera jokatutako neurketa hamar tantoko tartearekin irabazi zieten aurkariei. 

URNIETA 12-22 BERGARA

CAMILO RUIZ-SERGIO ODRIOZOLA. KADETEAK, 3.MAILA.

Etxekoek gaizki jokatu ez zuten arren, aurkariek maila hobea erakutsi zuten.

ANTIGUAKO 15-22 URNIETA1

UNAI GARIN-ANDER OIARBIDE. KADETEAK, 2.MAILA

Beste garaipen bat Garin eta Oiarbiderentzat. Sailkapen buruan dira urnietarrak, eta lehenengo postuaren alde borrokatzeko aukera garbia dute. Okerrenera jota, bigarren postuan geratuko lirateke. Halere, Gipuzkoako Txapelketako final laurdenetarako txartela eskura dezakete. 

ORERETA 15-22 URNIETA

AHETZE ETXEBERRIA-UNAI AROZENA. JUBENILAK.

Aurreko jardunaldian galdu ostean, ezustekoa eman zuten Etxeberriak eta Arozenak Oreretan. Lidergoan diren aurkariei irabazi zieten. Garaipenaz modu ezin hobean gozatu ahal izango dute urnietarrek, hiru jardunaldi jokatzeke dituzten honetan, Gipuzkoako Txapelketako finalerdietarako txartela eskuratzeko aukera emango dien lehen bi postuetan sailkatzeko aukera dute eta.                                             

Urriak 16-18, pilota hitzordu berriak

Eskuz binaka, Jubenilak
Eple-Urnieta
Orereta. Ost,15. 20:00

Eskuz binaka, Kadeteak 2.maila
Antiguako -Urnieta1
Igara. Ost,16. 19:15

Eskuz binaka, Kadeteak 3.maila
Urnieta-Bergara
Urnieta. Ost,16. 20:15

Pala motza, Seniorrak
Urnieta 1- Real Sociedad 1
Urnieta 2- Oiangu 1 (Ordizia)
Urnieta. Lar,16. 11:15

Gomazko paleta, Seniorrak
Arriola- Sare Esnal - Dominguez- N. Zabala
Tolosa. Lar,16. 16:00

Arrondo- Arantxa Goenaga - Bañales- Urbieta
Villabona. Lar,16. 16:00

Pilota emaitzak, urriak 9-11

USURBIL 40-24 URNIETA2
XABIER AMANTEGI-IÑAKI UNZALU. PALA MOTZA. SENIORRAK.
Markagailuan aurkarien aurretik zirela ekin zioten norgehiagokako lehen txanpari, Unzaluk eta Amantegik. Baina Usurbilgo taldeak segituan agerian utzi zuen bere nagusitasuna.

URNIETA1 8-40 ENDAIATARRAK
IÑAKI GOROSABEL-BORJA FERNANDEZ. PALA MOTZA. SENIORRAK.
Ikusmina eragin zuen Urnietako udal pilotalekura lehen aldiz etorri ziren Iparraldeko ordezkariek. Behin partida hasita, aho zabalik utzi zituzten bertaratu ziren zaletuak.

URNIETA 22-16 INTZA
JON PAGOLA-MIKEL GARMENDIA. SENIORRAK.
Jarraian eskuratzen duten bigarren garaipena urnietarrentzat. Hasiera batean Pagolak eta Garmendiak aurkariei tarte handiz irabazi behar zietela zirudien. Markagailuan 18-9 aurreratua zihoazen. Baina Lasarte-Oriako bikotea posizioz aldatu ostean, estutu zituzten urnietarrak. Bereziki, Artetxeren erremateen ondorioz. Baina azkenean aipatu bezala, etxekoak garaile.

URNIETA 2 20-22 HERNANI
JULEN LOITEGI-ARITZ LIZASO. KADETEAK, 2.MAILA.
Azken unean, norgehiagoka lekuz aldatu behar izan zuten, Urnietatik Hernanira, zegoen hezetasunarekin ez baitzegoen partida baldintza egokietan jokatzeko modurik. Gipuzkoako Txapelketan izan duten lehen porrota izan da. Irabazten zihoazen (17-15), Loitegi tanto ederrak burutu zituen. Baina kantxa desberdina izateak eragina izan zuen azken emaitzan.

ATSEDENALDIA:
-Arantxa Goenaga eta Sare Esnal.
-Kadeteak, 3.maila: Camilo Ruiz eta Sergio Odriozola.
-Kadeteak, 2.maila, Urnieta 1: Unai Garin eta Ander Oiarbide.
-Jubenilak: Ahetze Etxeberria eta Unai Arozena.

Pilota hitzorduak, urriak 9-11rako

Pala motza, Seniorrak

Usurbil-Hernani 2

Zubieta. Ost,8. 20:30

Urnietan, lar 10, 11:15:

Eskuz binaka, Afizionatuak

Urnieta-Intza

Pala motza, Seniorrak

Urnieta 1-Endaiarrak

Eskuz binaka, Kadeteak 2.maila

Urnieta 2-Hernani

Urnieta. Ig,11. 11:30

Pilota emaitzak, urriak 2-4

ARANTXA GOENAGA-ARRONDO 25-30 LIZEAGA-LUCAS
GOMAZKO PALETA. SENIORRAK. EMAKUMEA PILOTARI. Lehiakortasun handiko partida izan arren, azkenean aurkarien aldera irauli zen markagailua. Emakumea Pilotari txapelketako laugarren denboraldiko lehen neurketan, Arantxa Goenagak ezin izan du garaipenik eskuratu.

URNIETA 1 40-34 OIANGU 2
IÑAKI GOROSABEL-ANTTON JAUREGI. PALA MOTZA. SENIORRAK. Gorosabelek estreinaldi ezin hobea izan du Urnietako kirol taldean. Jauregirekin batera, hasierako urduritasuna gainditu ostean, ordiziarrei sei puntuko tartearekin irabazi zieten eta.

URNIETA2 40-29 GIRIZIA
XABIER AMANTEGI-IÑAKI UNZALU. PALA MOTZA. SENIORRAK. Urnieta 1 taldeak egin bezala, arazorik gabe irabazi ahal izan zuten oiartzuarren aurka Amantegik eta Unzaluk jokatu zuten denboraldi berriko lehen neurketa. Txapelketa laburra izango dela aintzakotzat hartuta, hasiera bikaina eman diote herriko bi taldeek. Gipuzkoa mailako txapelketa honetan bederatzi taldeek izena emana dute. Finalera ailegatzen direnak mailaz igotzeko aukera izango dute.

URNIETA1 22-12 INTXURRE
UNAI GARIN-ANDER OIARBIDE. KADETEAK, 2.MAILA.

ALDE ZAHARRA 5-22 URNIETA2
JULEN LOITEGI-ARITZ LIZASO. KADETEAK, 2.MAILA.
Urnietarrak garaile, donostiarren kexu artean. Hain zuzen, aurkarien entrenatzaileak partida inpugnatu zuen, neurketarako jubenil mailako pilota erabili zela argudiatuta. UKE Pilota saileko ordezkaritzatik jakinarazi dutenez, epaileak pilota balekotzat eman arren, halako kexuak agertzeko eskubide osoa zuen donostiarrak. Urnietakoak aldiz halako egoerez nazkatuta daudela agertu nahi dute, euren aurkariek halakorik egiten duten hirugarren aldia baita jada, horrek guztiak suposatzen duen denbora galerarekin. Eta pilota sailetik gogorarazi bezala, hiru kasuetan arrazoia urnietarrei eman izan diete.

URNIETA 8-22 ALDE ZAHARRA
CAMILO RUIZ-SERGIO ODRIOZOLA. KADETEAK, 3.MAILA.
Aurreikuspenak bete ziren, nahiz urnietarrek ez zuten gaizki jokatu.

URNIETA 11-22 ZARAUTZ2
AHETZE ETXEBERRIA-UNAI AROZENA. JUBENILAK.
Bikain entrenatu eta errendimendu maila ona izan arren, zarauztarren aurka jokatutako partida galdu zuten urnietarrek. Aurkariek jokaldi ederra eskaini zuten.

MURUMENDI2 17-22 URNIETA
JON PAGOLA-MIKEL GARMENDIA. AFIZIONATUAK.
Onenen artean sailkatu ezin litekeen partidaren ostean iritsi da garaipena, Pagola eta Garmendiarentzat. Lasarte-Oriakoak izango dira euren hurrengo aurkariak.